Dô isch älles meglich im InPark A81
Des Gewerbegebiet InParkA81 fendet Se mittle dren en Baden-Württemberg. Nach Stuegert ond an dâ Bodâsee brauchet Se grad â Stond. Ond d' Autobah' isch bloß a baar hondert Meter weit.
Saumäßig guat fürs G'schäft
Em InPark A81 bietet mir Ehna fertige Grondstück â. Sie kennet en drei Schichtâ schaffa. An jederâ Stell hend Se â Höchstgeschwindigkeits-Glasfaser-Netz.
Dô kâschs guat aushaltâ
G'scheite Schaffer send 's Wichtigschte dâfür, dass âs G'schäft guat lauft. Rond um de InPark A81 hôt's an Haufâ rechte Wohnongâ ond Häuser. Älles, was mâ braucht, kâsch bei ons kaufâ, ond langweilig wird’s d'r ao net. Du kâsch Kanu-fahrâ, bequem wandrâ ond radfahrâ oder ens Museum gangâ. Ond zom Ei'kehrâ gibt’s grad gnuag saubere Wirtschaftâ.
Älles für's Lernâ
Rond om onsern InParkA81 hôt's en jedem Fleckâ Kendergärtâ, ond älle Schualâ, au Berufsschuala. Mit em Auto oder mit d'r Bahn braucht's net meh' als a halbe Stond bis zu einigâ Hochschualâ. Dô ka m'r sich super weiterbildâ ond fendat jede Menge beschte Fachkräft'.
Sulz am Neckar
Des isch amtlich: Bei ons kâsch de prima erholâ – en Sulz am Necker mit älle seine neun Fleckâ. An Landschaft hôt's bei ons älles: Dô siehsch dâ Schwarzwald, d' Schwäbische Alb, romantische Täler mit Buckel dâzwischâ, nuff ond nonder ond ebâ. Des passt für's Radlâ, Wandrâ, Laufa, wenn mâ 's mâg au für's Fliegâ. Wenn dr d' Kultur lieber isch – älles dô. Ond wenn des no net langt: mit dr Bâhn oder âm Auto bisch glei en Schtuegert.
Vöhringen
En Vehrengâ isch guat sei'. Ân schee herg'richtetâ Fleckâ, neig'schnucklet ens Tal von onserm Mühlbach. Wenn du di' erholâ willsch, dô bisch grad richtig: Ob am Necker, em Schwarzwald oder uf d'r Alb – älles net weit! Aber schaffâ ond Geld verdienâ kâ'sch bei ons au', ond emmer besser. Sogar glei' bei dr Autobâh A 81. Bei ons isch es au guat wohnâ, ond was du brauchsch, fendescht en d'r Nähe.
Wie könnet mir Ehnâ helfâ?
Die Wirtschaftsförderung des InPark A81 unterstützt Sie bei der Ansiedlung im Süden Deutschlands. Unsere Dienstleistungen sind kostenlos und absolut vertraulich.
Kontaktieren Sie Frank Börnard unter Telefonnummer: +49 7454 965 081 oder per E-Mail schreiben.
